WAƘAR CORONAVIRUS 01

WAƘAR CORONAVIRUS 01

 Bissmillahi da sunan rabbana

 Haiman ayau zan fara batuna

Tsira da amincin Allah ga adali Manzona

Da Sahabbai da Tabi’ai da ma malamaina

Allah ka kawo mana sauƙi da ni da duk 'yan uwana. 

Mun wayi gari a yanzu kowa na ɓuya

Babu babba babu yaro babu ko mai talla akan hanya

Cutar Corona na kashe yara har da manya

Ƙare dangi ta ke ta yi a ko' ina ba sanya

Ya ku jama'a ku mu gane dujal yana kan hanya.

Ƙarshen duniya ya matso alamu na ta bayyana

Mutuwa dai tana zuwa gareku har ma guna

Ko ka gudu ko ka tsaya ko kana gida ko gona

Mutuwa za ta iske ka aboki da 'yan uwana

Kuma ba wanda zai rage tun da har ta ɗau Manzona.

Mu daina dariya da nishaɗi da yi wa juna barka

Da cewa ai fa da saura a cikin rayuwarka

Mu roƙi Allah dare da rana kar mu je gun boka

Kuma kar tsoro ya sa mu je mu faɗa shirka

Kawai mu koma ga Allah zai mana maganin duk wata cuta.

Zan ɗan tsaya anan wajen don na sarara

Allah tsare mu da mugun gani irin na asara

Da mugun ji ko gida ko da can a sahara

Ka tsare mu da ga dukkanin taɓara

Kai ke da ikon komai Allah Jalla tabara

•----------•✬(✪)✬•----------•
 Jamilu Abdurrahman
•----------•✬(✪)✬•----------

    +23481858191
──────⊹⊱✫⊰⊹─────
Twitter: @jamiluwriter
──────⊹⊱✫⊰⊹─────
Instagram: Jamiluwriter
──────⊹⊱✫⊰⊹─────
Facebook
https://m.facebook.com/JamiluWriter
──────⊹⊱✫⊰⊹─────
Tumblr: Jamiluwrite
──────⊹⊱✫⊰⊹─────
Bakandamiya: Jamilu Abdurrahman
──────⊹⊱✫⊰⊹─────
Telegram: https://t.me/Jamiluwrite
──────⊹⊱✫⊰⊹─────
LinkedIn: https://www.linkedin.com/in/jamilu-abdurrahman-36b88211
──────⊹⊱✫⊰⊹─────
Haimanraees@gmail.co
──────⊹⊱✫⊰⊹───── ─m─8─r─ ─r─/:─ ─ ─76•