SHARHIN FIM ƊIN THE AVENGERS
* Bada Umarni: Joss Whedon
* Ɗaukar Nauyi: Kevin Feige
* Tsarawa: Joss Whedon
* Rubuta Labari: Zak Penn/Joss Whedon
The Avengers fim ɗin jarumta ne da aka fitar da shi a cikin shekara ta 2012 a Ƙasar Amurka. Labari ya samo asali ne daga littattafan almara mai suna AVENGERS wanda Stan Lee da Jack Kirby Suka rubuta a ƙarƙashin Kamfanin Marvel Comics. Kamfanin Marvel Studios ne ya ɗauki nauyin shirya fim ɗin, yayin da Kamfanin Walt Disney Motion Pictures ya rarrabashi.
Wannan Fim shi ne na shida daga cikin Fina Finan duniyar Marvel mai suna Marvel Cinematic Universe Wiki (MCU)
An fara Ɗaukar wannan Fim ne a cikin watan Afrilun 2011 a Albuquerque, New Mexico, kafin a Koma Cleveland, Ohio a watan Agusta, sannan aka koma New York City a watan Satumba.
An saki wannan Fim a ranar 11 ga watan Afrilun 2012 gidan sinima ɗin Hollywood na El Capitan Theater, sannan aka sake shi Ƙasar Amurka gaba ɗaya a ranar 4 ga watan Mayu 2012.
Wannan Fim ya samu gagarumar nasara sosai, inda masana harkar Fina-Finai da 'yan kallo suka yabe shi sosai. Hakanan kuma Fim ɗin ya kafa tarihi iri daban daban a harkar Kasuwancin Fina Finan duniya baki ɗaya, sannan ya samu lambobin yabo masu tarin yawa.
The Avengers ya kawo kuɗi kimanin dala biliyan $1.5 a harkar Kasuwancin Fina Finan duniya baki ɗaya, sannan ya zama Fim na uku da yafi kowane Fim kawo kuɗi gaba ɗaya a duniya kuma Fim ɗin da yafi kowanne kawo kuɗi a shekara ta 2012.
The Avengers shi ne Fim ɗin Kamfanin Marvel na farko da ya fara kawo kuɗin da suka kai dala biliyan ɗaya $1 a tikitai kawai.
An yi na biyun sa mai suna Avengers: Age of Ultron a 2015 da kuma na ukun sa mai suna Avengers: Infinity War a 2018, sannan akwai na huɗun sa da ake sa ran zai fita a shekara ta 2019.
LABARIN FIM ƊIN
Hatsabibi Loki ne ya haɗu da wani fitinannen halitta da ake kira da Other, wanda ya kasance shugaba ne na wasu muggan halittu da ake kira da Chitauri. Other da waɗannan halittu duk suna rayuwa ne a wata daula da ke sararin samaniya. Loki da other sun ƙulla Yarjejeniyar cewa other zai bashi mayaƙa daga cikin halittun da yake jagoran ta na Chitauri domin ya ƙwamushe lardin mutane idan har Loki zai iya kawo masa wani dutsen al'ajabi da ake kira da 'tesseract' wanda yake ɗauke da wani irin ƙarfin tsafi na gaban kwatance.
Nick Fury , daraktan Ƙungiyar S.H.I.E.L.D. da mataimakiyar sa Maria Hill kuma sun samu isa wani keɓantaccen wuri inda masanin kimiyya Dakta Erik Selvig yake Jagorantar tawagar wasu masu bincike Yayinda suke bincike a kan wannan dutse na Tesseract.
Jami'i Phil Coulson ya bayyanawa Nick Fury cewa wannan dutse ya fara fitar da wani sabon yanayin ƙarfi wanda su basu gane masa ba. Kwatsam sai wannan dutsen kuma ya buɗe wata ƙofa da kansa inda ya baiwa Loki damar shigowa daular mutane.
Daga nan Loki sai ya ɗauke wannan dutse sannan yayi amfani da Sandar tsafin sa ya karkatar da tunanin Selvig da wasu mutane da dama, cikin su harda Clint Barton domin su taimaka masa ya fece. Wannan hari da Loki ya kawo ne yasa Nick Fury ya sake tado da himmar Samar da tawagar Avengers.
Daga nan ne Nick Fury ya aiki Jami'a Natasha Romanoff Calcutta Domin ta taho da Dr. Bruce Banner Wanda ake sa ran zai iya gano inda wannan dutse na Tesseract yake ta hanyar fahimtar sinadaran 'Gamma Radiation dake tattare da shi. Shi kuwa Coulson sai ya ziyarci Tony Stark domin ya duba sakamakon binciken Erik Selvig, Yayinda shi kuma Nick Fury ya baiwa Steve Rogers aikin nemo dutsen.
A Stuttgart kuma, Barton ya saci wani sinadarin iradium domin ya daidaita ƙarfin wannan dutsen Yayinda shi kuma Loki ya ja hankalin jama'ar dake wajen. Hakan ya jawo wani ɗan ƙaramin artabu a tsakanin sa da Rogers, Stark da kuma Romanoff a ƙarshe dai Loki ya miƙa wuya.
Yayinda ake kan hanyar kai Loki Hedikwatar S.H.I.E.L.D. Sai ga Thor yazo ya cece shi tare da fatar zai iya fahimtar da shi irin illar da shirin sa zai haifar ya kuma yi haƙuri ya koma Asgard. Bayan an ɗan fafata a tsakanin Thor, Rogers da Tony Stark, sai Thor ya amince da a tafi da Loki izuwa ga tafkeken jirgin saman ƙungiyar S.H.I.E.L.D. Helicarrier. Suna isa sai aka garƙame Loki a wata magarƙamar gilashi, Yayinda Banner da Stark suke ƙoƙarin gano inda Tesseract ɗin yake.
Daga nan kuma sai saɓanin Ra'ayi ya biyo bayan Shawarar yadda ya kamata a tunkari Loki da kuma ganowa da aka yi cewa S.H.I.E.L.D suna ƙoƙarin yin amfani da wannan dutse wajen Samar da muggan makaman ƙare-dangi akan baƙin haure da ke kawo musu hari daga sauran Dauloli. Ana cikin wannan gardama ne sai waɗannan mutane da Loki ya juyarwa da tunani suka kawo harin sumame har suka lalata inji ɗaya na jirgin wanda hakan kuma yasa Banner ya koma Hulk. Stark da Rogers su kuma sai suka nufi injin domin su gyara shi saboda kada ya faɗi.
Can shi kuma Thor sai yayi ƙoƙarin dakatar da Hulk inda suka kaure da faɗa ita kuma Romanoff sai ta tari Barton inda suka gwabza har ta sumar da shi wanda hakan yasa tsafin da Loki yayi masa ya karye. Loki ya samu damar guduwa bayan ya kashe Coulson sannan ya jefa Thor ƙasa daga jirgin Yayinda shima Hulk ya faɗa ƙasa bayan ya kaiwa wani ƙaramin jirgi hari.
Nick Fury sai yayi amfani da mutuwar Coulson wajen tilasta musu yin aiki tare da juna a matsayin su na tawaga ɗaya. Stark da Rogers sai suka fahimci cewa Loki so yake yi ya samu nasara a kansu a bayyane domin hakan ne zai bashi damar nuna kanshi a matsayin sarkin lardin mutane gaba ɗaya. Loki sai yayi amfani da wannan dutse na Tesseract tare da wata Na'ura da Erik selvig ya sana'anata a hasumiyar Stark Tower inda ya baiwa waɗannan halittu na chitauri damar shigowa lardin mutane.
Rogers, Stark, Romanoff, Barton, da Thor sai suka haɗa kai domin su kare birnin New York daga wannan hari na Loki tunda a nan ne chitauri ɗin suka sauka. Shi ma banner daga baya sai gashi yazo inda ya rikiɗa ya koma Hulk, a tare, wannan tawaga ta Avengers suka haɗa kai wajen yaƙar waɗannan halittu tare kuma da kauda jama'a daga filin dagar. Can sai Hulk ya gano Loki inda ya suburbuɗe shi.
Romanoff ta samu kaiwa ga wannan ƙofa da ta baiwa halittun damar shigowa inda dakta selvig yayi mata bayanin cewa Sandar tsafin Loki ce kawai zata iya rufe ƙofar.
A can gefe kuma, shuwagabannin Nick Fury dake kula da harkar tsaro ta duniya baki ɗaya sun yi yunƙurin datse matsalar ta hanyar aikawa da makami mai linzami, amma sai Stark ya tare makamin sannan ya jefa shi cikin ƙofar da halittun suke shigowa ta cikin ta. Hakan ya jawo tarwatsewar asalin jirgin mayaƙan dake daular da suke, sannan kuma ya kawo ƙarshen wannan hari a lardin mutane. Sai dai kuma wannan jan aiki da Stark yayi yasa ƙarfin rigarsa ya ƙare wanda hakan ya jawo faɗowar sa ƙasa a daidai lokacin da Romanoff ta rufe ƙofar, sai dai Hulk ya cece shi daga wannan muguwar faɗuwa.
Bayan ƙura ta lafa, sai Thor ya ɗauki Loki da kuma Tesseract ɗin ya tafi Asgard da su, yayin da shi kuma Fury ya tabbatar da cewa lallai tawagar zata sake dawowa yayin da aka buƙace ta. A wata fitowa ta ƙarshe, an nuno Other yana faɗawa mai gidan sa cewa an samu rashin nasara akan harin da aka kaiwa daular mutane. Su kuma can tawagar Avengers ɗin an nuno su a wani gidan abinci suna cin Shawarma
JARUMAN FIM ƊIN DA MATSAYIN DA SUKA FITO A CIKIN SA
* Robert Downey Jr. - Tony Stark / Iron Man
* Chris Evans - Steve Rogers / Captain America
* Mark Ruffalo - Bruce Banner / Hulk
* Chris Hemsworth - Thor
* Scarlett Johansson - Natasha Romanoff / Black Widow
* Jeremy Renner - Clint Barton / Hawkeye
* Tom Hiddleston - Loki:
* Clark Gregg - Phil Coulson
* Cobie Smulders - Maria Hill
* Stellan Skarsgård - Erik Selvig
* Samuel L. Jackson - Nick Fury
* Gwyneth Paltrow - Pepper Potts
* Maximiliano Hernández - Jasper Sitwell
* Paul Bettany - J.A.R.V.I.S.
* Alexis Denisof - Other
<><><><><><>>><><><><><><>
___________________________________
●●●●●●●●●●●●●●●●●●●●●●●●
<••••••••••••••••••••••••••••>
👳🏻♂ *_Haiman Raees_* <••••••••••••••••••••••••••••>
*_"""""""""""""""""""""""_*
📱 _*Phone:*_
08185819176
*_"""""""""""""""""""""""_*
🌐 _*Web:*_ www.haiman.com.ng
*_"""""""""""""""""""""""_*
🖥 _*Facebook:*_ www.facebook.com/HaimanRaees
*_""""""""""""""""""""""""_*
🌀 _*Twitter:*_ @HaimanRaees
*_"""""""""""""""""""""""_*
🎡 _*Instagram:*_ Haimanraees
*_"""""""""""""""""""""""_*
📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...
* Bada Umarni: Joss Whedon
* Ɗaukar Nauyi: Kevin Feige
* Tsarawa: Joss Whedon
* Rubuta Labari: Zak Penn/Joss Whedon
The Avengers fim ɗin jarumta ne da aka fitar da shi a cikin shekara ta 2012 a Ƙasar Amurka. Labari ya samo asali ne daga littattafan almara mai suna AVENGERS wanda Stan Lee da Jack Kirby Suka rubuta a ƙarƙashin Kamfanin Marvel Comics. Kamfanin Marvel Studios ne ya ɗauki nauyin shirya fim ɗin, yayin da Kamfanin Walt Disney Motion Pictures ya rarrabashi.
Wannan Fim shi ne na shida daga cikin Fina Finan duniyar Marvel mai suna Marvel Cinematic Universe Wiki (MCU)
An fara Ɗaukar wannan Fim ne a cikin watan Afrilun 2011 a Albuquerque, New Mexico, kafin a Koma Cleveland, Ohio a watan Agusta, sannan aka koma New York City a watan Satumba.
An saki wannan Fim a ranar 11 ga watan Afrilun 2012 gidan sinima ɗin Hollywood na El Capitan Theater, sannan aka sake shi Ƙasar Amurka gaba ɗaya a ranar 4 ga watan Mayu 2012.
Wannan Fim ya samu gagarumar nasara sosai, inda masana harkar Fina-Finai da 'yan kallo suka yabe shi sosai. Hakanan kuma Fim ɗin ya kafa tarihi iri daban daban a harkar Kasuwancin Fina Finan duniya baki ɗaya, sannan ya samu lambobin yabo masu tarin yawa.
The Avengers ya kawo kuɗi kimanin dala biliyan $1.5 a harkar Kasuwancin Fina Finan duniya baki ɗaya, sannan ya zama Fim na uku da yafi kowane Fim kawo kuɗi gaba ɗaya a duniya kuma Fim ɗin da yafi kowanne kawo kuɗi a shekara ta 2012.
The Avengers shi ne Fim ɗin Kamfanin Marvel na farko da ya fara kawo kuɗin da suka kai dala biliyan ɗaya $1 a tikitai kawai.
An yi na biyun sa mai suna Avengers: Age of Ultron a 2015 da kuma na ukun sa mai suna Avengers: Infinity War a 2018, sannan akwai na huɗun sa da ake sa ran zai fita a shekara ta 2019.
LABARIN FIM ƊIN
Hatsabibi Loki ne ya haɗu da wani fitinannen halitta da ake kira da Other, wanda ya kasance shugaba ne na wasu muggan halittu da ake kira da Chitauri. Other da waɗannan halittu duk suna rayuwa ne a wata daula da ke sararin samaniya. Loki da other sun ƙulla Yarjejeniyar cewa other zai bashi mayaƙa daga cikin halittun da yake jagoran ta na Chitauri domin ya ƙwamushe lardin mutane idan har Loki zai iya kawo masa wani dutsen al'ajabi da ake kira da 'tesseract' wanda yake ɗauke da wani irin ƙarfin tsafi na gaban kwatance.
Nick Fury , daraktan Ƙungiyar S.H.I.E.L.D. da mataimakiyar sa Maria Hill kuma sun samu isa wani keɓantaccen wuri inda masanin kimiyya Dakta Erik Selvig yake Jagorantar tawagar wasu masu bincike Yayinda suke bincike a kan wannan dutse na Tesseract.
Jami'i Phil Coulson ya bayyanawa Nick Fury cewa wannan dutse ya fara fitar da wani sabon yanayin ƙarfi wanda su basu gane masa ba. Kwatsam sai wannan dutsen kuma ya buɗe wata ƙofa da kansa inda ya baiwa Loki damar shigowa daular mutane.
Daga nan Loki sai ya ɗauke wannan dutse sannan yayi amfani da Sandar tsafin sa ya karkatar da tunanin Selvig da wasu mutane da dama, cikin su harda Clint Barton domin su taimaka masa ya fece. Wannan hari da Loki ya kawo ne yasa Nick Fury ya sake tado da himmar Samar da tawagar Avengers.
Daga nan ne Nick Fury ya aiki Jami'a Natasha Romanoff Calcutta Domin ta taho da Dr. Bruce Banner Wanda ake sa ran zai iya gano inda wannan dutse na Tesseract yake ta hanyar fahimtar sinadaran 'Gamma Radiation dake tattare da shi. Shi kuwa Coulson sai ya ziyarci Tony Stark domin ya duba sakamakon binciken Erik Selvig, Yayinda shi kuma Nick Fury ya baiwa Steve Rogers aikin nemo dutsen.
A Stuttgart kuma, Barton ya saci wani sinadarin iradium domin ya daidaita ƙarfin wannan dutsen Yayinda shi kuma Loki ya ja hankalin jama'ar dake wajen. Hakan ya jawo wani ɗan ƙaramin artabu a tsakanin sa da Rogers, Stark da kuma Romanoff a ƙarshe dai Loki ya miƙa wuya.
Yayinda ake kan hanyar kai Loki Hedikwatar S.H.I.E.L.D. Sai ga Thor yazo ya cece shi tare da fatar zai iya fahimtar da shi irin illar da shirin sa zai haifar ya kuma yi haƙuri ya koma Asgard. Bayan an ɗan fafata a tsakanin Thor, Rogers da Tony Stark, sai Thor ya amince da a tafi da Loki izuwa ga tafkeken jirgin saman ƙungiyar S.H.I.E.L.D. Helicarrier. Suna isa sai aka garƙame Loki a wata magarƙamar gilashi, Yayinda Banner da Stark suke ƙoƙarin gano inda Tesseract ɗin yake.
Daga nan kuma sai saɓanin Ra'ayi ya biyo bayan Shawarar yadda ya kamata a tunkari Loki da kuma ganowa da aka yi cewa S.H.I.E.L.D suna ƙoƙarin yin amfani da wannan dutse wajen Samar da muggan makaman ƙare-dangi akan baƙin haure da ke kawo musu hari daga sauran Dauloli. Ana cikin wannan gardama ne sai waɗannan mutane da Loki ya juyarwa da tunani suka kawo harin sumame har suka lalata inji ɗaya na jirgin wanda hakan kuma yasa Banner ya koma Hulk. Stark da Rogers su kuma sai suka nufi injin domin su gyara shi saboda kada ya faɗi.
Can shi kuma Thor sai yayi ƙoƙarin dakatar da Hulk inda suka kaure da faɗa ita kuma Romanoff sai ta tari Barton inda suka gwabza har ta sumar da shi wanda hakan yasa tsafin da Loki yayi masa ya karye. Loki ya samu damar guduwa bayan ya kashe Coulson sannan ya jefa Thor ƙasa daga jirgin Yayinda shima Hulk ya faɗa ƙasa bayan ya kaiwa wani ƙaramin jirgi hari.
Nick Fury sai yayi amfani da mutuwar Coulson wajen tilasta musu yin aiki tare da juna a matsayin su na tawaga ɗaya. Stark da Rogers sai suka fahimci cewa Loki so yake yi ya samu nasara a kansu a bayyane domin hakan ne zai bashi damar nuna kanshi a matsayin sarkin lardin mutane gaba ɗaya. Loki sai yayi amfani da wannan dutse na Tesseract tare da wata Na'ura da Erik selvig ya sana'anata a hasumiyar Stark Tower inda ya baiwa waɗannan halittu na chitauri damar shigowa lardin mutane.
Rogers, Stark, Romanoff, Barton, da Thor sai suka haɗa kai domin su kare birnin New York daga wannan hari na Loki tunda a nan ne chitauri ɗin suka sauka. Shi ma banner daga baya sai gashi yazo inda ya rikiɗa ya koma Hulk, a tare, wannan tawaga ta Avengers suka haɗa kai wajen yaƙar waɗannan halittu tare kuma da kauda jama'a daga filin dagar. Can sai Hulk ya gano Loki inda ya suburbuɗe shi.
Romanoff ta samu kaiwa ga wannan ƙofa da ta baiwa halittun damar shigowa inda dakta selvig yayi mata bayanin cewa Sandar tsafin Loki ce kawai zata iya rufe ƙofar.
A can gefe kuma, shuwagabannin Nick Fury dake kula da harkar tsaro ta duniya baki ɗaya sun yi yunƙurin datse matsalar ta hanyar aikawa da makami mai linzami, amma sai Stark ya tare makamin sannan ya jefa shi cikin ƙofar da halittun suke shigowa ta cikin ta. Hakan ya jawo tarwatsewar asalin jirgin mayaƙan dake daular da suke, sannan kuma ya kawo ƙarshen wannan hari a lardin mutane. Sai dai kuma wannan jan aiki da Stark yayi yasa ƙarfin rigarsa ya ƙare wanda hakan ya jawo faɗowar sa ƙasa a daidai lokacin da Romanoff ta rufe ƙofar, sai dai Hulk ya cece shi daga wannan muguwar faɗuwa.
Bayan ƙura ta lafa, sai Thor ya ɗauki Loki da kuma Tesseract ɗin ya tafi Asgard da su, yayin da shi kuma Fury ya tabbatar da cewa lallai tawagar zata sake dawowa yayin da aka buƙace ta. A wata fitowa ta ƙarshe, an nuno Other yana faɗawa mai gidan sa cewa an samu rashin nasara akan harin da aka kaiwa daular mutane. Su kuma can tawagar Avengers ɗin an nuno su a wani gidan abinci suna cin Shawarma
JARUMAN FIM ƊIN DA MATSAYIN DA SUKA FITO A CIKIN SA
* Robert Downey Jr. - Tony Stark / Iron Man
* Chris Evans - Steve Rogers / Captain America
* Mark Ruffalo - Bruce Banner / Hulk
* Chris Hemsworth - Thor
* Scarlett Johansson - Natasha Romanoff / Black Widow
* Jeremy Renner - Clint Barton / Hawkeye
* Tom Hiddleston - Loki:
* Clark Gregg - Phil Coulson
* Cobie Smulders - Maria Hill
* Stellan Skarsgård - Erik Selvig
* Samuel L. Jackson - Nick Fury
* Gwyneth Paltrow - Pepper Potts
* Maximiliano Hernández - Jasper Sitwell
* Paul Bettany - J.A.R.V.I.S.
* Alexis Denisof - Other
<><><><><><>>><><><><><><>
___________________________________
●●●●●●●●●●●●●●●●●●●●●●●●
<••••••••••••••••••••••••••••>
👳🏻♂ *_Haiman Raees_* <••••••••••••••••••••••••••••>
*_"""""""""""""""""""""""_*
📱 _*Phone:*_
08185819176
*_"""""""""""""""""""""""_*
🌐 _*Web:*_ www.haiman.com.ng
*_"""""""""""""""""""""""_*
🖥 _*Facebook:*_ www.facebook.com/HaimanRaees
*_""""""""""""""""""""""""_*
🌀 _*Twitter:*_ @HaimanRaees
*_"""""""""""""""""""""""_*
🎡 _*Instagram:*_ Haimanraees
*_"""""""""""""""""""""""_*
📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...