Shin ko ya halatta a daura aure ta hanyar magana a wayar salula idan ya kasance ba a gari guda matar da mijin suke zaune ba?

Tambaya

:

Shin ko ya halatta a daura aure ta hanyar magana a wayar salula idan ya kasance ba a gari guda matar da mijin suke zaune ba?

:

Amsa

:

Farko dai daga cikin rukunan ɗaura aure akwai furta lafazin bayarwa da kuma karɓa tsakanin waliyyin ​amarya da kuma ​ango​ ko ​wakilin ango. Malamai sukace ​sharaɗi ne​ ya kasance mai ​bada aure​ da mai karɓar aure​ su kasance a majalisi ɗaya suke zaune.

:

​Sai dai ​Malamai​ na wannan ​zamani​n sunyi ​saɓani​ dangane da hukuncin ​ɗaura aure​ ta hanyar kafafen sadarwa na ​zamani​ kamar ta hanyar ​internet​ ko ta ​wayar salula​ da makamancinsu. Wasu daga cikin ​Malamai​ sukace a'a bai halatta ba, saboda a kare martabar ​auren,​ domin kuwa ana iya amfani da wannan hanyar ya kasance ba asalin ​waliyyan matar​ ba ne suka ​ɗaura auren​ wasu ne kawai dabam, dan haka kenan yaudara za ta iya shigowa ciki lamarin, domin ana iya ​kwaikwayon​ muryar wani mutum ayi amfani da ita a matsayin cewa shi ne ​waliyyin matar,​ dan haka sukace abinda yafi zaman lafiya shi ne kawai a nisanci hakan saboda a tsare martabar ​farjin ma'auratan,​ ko kuma a wakilta wani Mutum a can ya zama shi ne ​wakilin ango.

:

​To amma a gefe ɗaya kuma akwai ​Malaman​ da suke ganin cewa ya halatta a ​ɗaura aure ta hanyar magana a ​wayar salula​ idan ya kasance an aminta daga dukkan wani ​ruɗani ko ​yaudara​ da kan iya shigowa cikin lamarin. ​Malaman​ sukace idan yazama an cika dukkan ​sharuɗɗan aure​ to ya halatta a ​ɗaura aure ta hanyar magana a ​wayar salula,​ amma ya kasance akwai tabbas ɗin cewa ​waliyyin amarya ne​ yayi maganar ​ba da auren.

Sharaɗi​ na gaba kuma ya kasance a ƙalla akwai ​shaidu​ guda biyu da sukaji maganar da kunnensu cewa ​waliyyin amarya​ ya ​bada aure​ shi kuma ango ko ​wakilin ango​ ya karɓa, idan akayi haka to aure ya tabbata.

:

​Dan haka dai magana mafi inganci kamar yadda ​Malamai​ da yawa suka rinjayar itace, sukace kamar yadda ya inganta a ​ɗaura aure​ ta hanyar aika rubutu a jikin takarda, wato ​(wasiƙa)​ idan ​sharuɗɗan​ amfani da hakan sun cika, to haka nan ya halatta a ​ɗaura aure​ ta hanyar kafofin ​sadarwa kamar ​Internet​ ko magana a ​wayar salula,​ idan ya kasance dukkan ​sharuɗɗan​ da ake buƙata sun cika, Musamman kuma ace yakasance anyi amfani ne da irin ​Na'urar​ da za ta riƙa nuna ​Videon​ Mutum a lokacin da yake magana.

:

​​※(шαʟʟαнυ-тα'αʟα α'αʟαмυ)※​​

​​▂▂▂▂▂▂▂▂▂▂▂▂▂▂▂▂▂▂​​

           ​Mυѕтαρнα Uѕмαn​

              ​08032531505​​​▂▂▂▂▂▂▂▂▂▂▂▂▂▂▂▂▂▂​​

              ​Daga Zaυren​

             ​Fiƙ-нul-Iвādāт​

​​▂▂▂▂▂▂▂▂▂▂▂▂▂▂▂▂▂▂​​

​​Doмιɴ ѕнιɢα ѕнαғιɴмυ dαкє ғαcєвooк ѕαι αѕнιɢα wαɴɴαɴ lιɴк кαwαι αyι ""lιкє""👇🏾​​

:

https://m.facebook.com/fiqhul.ibadat/