K'a'ida
1.
Ta saka jan gilas fuska ta kare,
Ta ci adonta mai kyau tsararre.
2.
A lokacin da mukai gamo a tare,
Da Firdausi 'yar garin Kazaure.
3.
Na tambayata har ta ba ni amsa,
Tana ta sauri ta tsaya ta jure.
4.
Cikin karamci da girmama juna,
Da la'asar ne lokacin kurarre.
5.
Tana farin ciki taimin kwatance,
Na je gidansu ta ce min dawure.
6.
K'a'idar gidansu suna da doka!
Da rana ake zuwa hira ba a dare.
7.
Idan nai sakaci ta ce babu dama,
Ba a barinta ta laiko ko da zaure.
8.
Ta ke fad'amin dokar gidansu,
Firdausi na gode da alhere.
9.
Gidansu Firdausi an bani dama,
Tarbiyya ta kirki akwai alkhaire.
10.
Ta ce na daure kar na yo gazawa,
Da kai Aliyu fatana mu yi aure.
@ Aliyu Idris
21/11/2022