Dukkan Sassa Na Lelleƙa
Don warware ɗaurika sarƙa
Da su kai wa rai riƙon Salka
A Sahara ba Sakaina ba
So ya yi min riƙon Sanda
Ta Makaho mai tsayin wada
Na tadda ruwa cikin Randa
Ga Ƙadangaruwa ta na raɗa
Ba ta barni na je ga ma'un ba
Kin kyasta wuta cikin raina
Kin sawa dukan jiki ƙuna
Ya zan na ciko muradina?
Don cimma biɗa ta Ruhina
Ba zan kaico na kasa ba
Kin zamo kwaɗon jikin carbi
In ba ke yanzu wa zan bi?
Mai kyan zane kamar Zabi
A cikin raina akwai gurbi
Ga watarki ba shi dace ba
Kin zam a garan kamar riga
Ko gun mai Rijiya Guga
Ya tilo mai kamar zuga
Buɗe ƙofarki in dirga
Na san ba zan nadama ba
Magaji Kabiru Getso