DAGA ZUCIYATA 01
Da sunan Allah Rabba
Ba wa'azi zan yi muku ba
Ba nasiha zan yi muku ba
Ba damunku nake son yi ba
Zance ne daga zuciyata zan furta.
Damuwa ta aure ni
Damuwa ta kama ni
Damuwa ta dame ni
Damuwa ta kayar da ni
Na bi duk na dagule a tunanin zuciyata.
Ban san fa mai ya sa haka ba
Ban san fa mai na yi musu ba
Ban san yaya suke so ba
Ban san ya suke so na yi ba
Ban san menene yasa suke ƙina ba.
Wai ni ba dogo ne ba
Wai ni ba siriri ba
Wai ni ai ban waye ba
Wai ni ban san komai ba
Wai shin sai yaushe ne za ku bar gaba?
So suke wai in yi kaza
So suke wai in bar kaza
So suke in je wuri kaza
So suke in bar gu kaza
So suke dai in zamo kamar banza.
Sun ce min ɓarawon kaza
Sun ce wai na saci reza
Sun ce wai ai na yi kaza
Sun ce wai ai nace kaza
Sun ce wai ni na zamo kamar geza.
Saboda na ƙi zama wawa
Saboda na gaza duƙawa
Saboda na gaza dainawa
Saboda na gaza kasawa
Saboda na zama wanda ya ƙi lalacewa.
Shi ya sa basa sona
Shi ya sa fa suke ƙina
Shi ya sa suke tsorona
Shi yasa suke ta guduna
Shi ya sa suke min hassada a aikina.
Ko da dai kun cuce ni
Ko da dai kun zalunce ni
Ko da dai kun tauye ni
Ko da dai kun fa tsane ni
Ko da ba kwa son gani na dai gani.
Zan ci gaba...
©️✍🏻
Jamilu Abdurrahman
+2348185819176
Haimanraees@gmail.com