Gwani na gwanaye ne Hrithik
Ba Ya tsoron Mazan Fama.
Idan sun zo gabansa fa dole ne su yi cik
Sarki na rawa ko da a ruwa kuma ba lema.
Mai lambobin yabo ku duba gasu nan birjik
Agwanaye kuwa sai fafitika ake ana nema.
Ko da birnin Landan kake na san da zaman Hrithik
Labarin gwanintarsa ya shiga har in da na lema.
Idan zance na kafce ne Ɗan Roshan babu mai I ma
Idan ko fage na dambe ne anan sai dai a sara ma.
Ina kuke masu so na rawa kuzo ku ga mazari goga
Rijiya ta rawa lallai mun gane kai ke da guga.
Duggu kake ka zamo dakalin mada
Don ko a kafce ka wuce ɗan wada.
Gurin kyawu a nemo ka
A ƙyale batun su hankaka.
Gyan ɗa dama an ce ya biyo mahaifi nai
To gashi ko shi har ya ma zarce mahaifi nai.
Baya rigima da kowa ko da an shige masa ne
Yana da haƙuri da naci ina ma a ce musulmi me ne?
Allahu ka ceci bawanka kasa shi ya gano dai-dai
Ya karɓi shahadarka ya zam bawa akan dai-dai.
©️✍🏻
Jamilu Abdurrahman
(Mr. Writer)
Haimanraees@gmail.com