GULMA AJALI!!! 
Wani mutun yazo gurin KHALID BN WALEED yace masa Lallai wane (ya fadi sunan wani) yana zagin ka.
Sai KHALID yace: wannan littafinsa ne, yana da damar ya cikashi da duk abinda yaso.
Wani kuma ya cewa WAHAB BN MUNABBIH Wane yana zagin ka.
Sai WAHAB yace: Shin yanzu kai Shaidan bai samu wani dan aike ba duk cikin mutane sai kai?
Haka wani mutum yazo gurin wani bawan Allah yace; Wani ya zage ka.
Sai mutumin yace: Shi ya harbeni da kibiyar da bata same ni ba, kai kuma ka daukota kazo ka daba mini a zuciyata.
Wani mutum yazo gurin Imam SHAFI'I yace; wa ne yana ambatarka da munanan kalamai.
Sai Imam SHAFI'I yace: idan har da gaske kake toh lallai kai ANNAMIMI NE,
Idan kuma qarya kake toh kai FASIQI NE, saboda haka ka tafi ka bani guri.
NASIHA: Kada ka taɓa daukar gulmar wani ka kaiwa wani,
domin wanzar da qauna da soyayya a cikin al'ummah,
kabar mutane suyi farin ciki tare da yan uwansu.
Kai kuma ka guji ANYI-ANCE.
Allah ka gyara mana dabi'un mu na fili dana boye.