TAMANNAH BHATIA
Ashe da rai nake sonki jaruma ba da zuciyata ba
Komai ruwa da iska akanki ba za na daina ƙauna ba
Idan na samu damar samunki ba za na kula kowa ba
Ni banga kamar Tamannah ba
Balle na waiwaya baya.
In dai akanki ne za na jure wahalar zuwa garin Mumbai
Daga an taɓa ki a jira zuwana domin akanki zan iya komai
Jimirin jiranki na yi domin kizo na kalle ki gimbiyar kyawu
Asali na zuciyata ke ce da kin kira ni na amsa.
Ita zuma a baki daɗi gareta zumar son ki yanzu na lasa
In dai akanki ne na yi nisa banji kira bare in amsa
Tilas ganinmu tilas barinmu domin a son ki na yi nisa
In dai akan ki ne na ko shirya har in ba da rai fansa.
Tsarin zubinki dai-dai ne
Ya kama zuciyata ne
Komai naki dai-dai ne
Ya dace da raina ne
Samun irinki ɗai-ɗai ne
Tamkar dubun mutane ne.
Ina jin kamar mafarki ne
Na san sonki ai mataki ne.
Ni banda damuwa in har zan buɗe 'yan idanuna
In ganki gaki dab da ni ya Sarauniya Tamannah
Yau za na yo amo tun da na gane kina fa da masoya
Don yanzu na zamo a gabansu duka masoya.
Na ƙwalla shela don sanar da iya maƙiya kalamaina
Dukka a kudanci ku sani ba ya Tamannah
Idan babu ke ina ne jama'a za su samu gun ɓuya?
Kowa da nasa amma ke ce abar so ga kowa.
Yau gani a ruwa Tamannah zo ki ceci ƙalbina
Komai da mafita Tamannah kada ki yi mini bankwana
Ina ji ina gani yadda nake sonki ya fi ƙarfina
Na san a duniya ke ce kawai muradina.
Soyayya rayuwa wani sa'in sai ta zam wutar ƙauna
Ke ce kaɗai na bawa sirrin da ke a ƙalbina
Kallonki na sakani nishaɗi in ji ni kamar wani sarki
Kuma kyan idanunki na kama da a mafarki.
Samari ku yi haƙuri domin Tamannah tawa ce ni ɗai
Mata ku yi haƙuri zuciyata ta Tamannah ce ita ɗai
Soyayyarmu na da tsada ne
Ta zaga ko'ina ma ne
Ta mamaye duniya ma ne
Tamannah jaruma ta ce..
A big kudos to the most popular singer of present time in person of Hamisu Breaker.
©️✍🏻
Jamilu Abdurrahman
(Mr. Writer)
+2348185819176
Haimanraees@gmail.com