*HARAMUN NE KA AURI JIKAR MAHAIFIYARKA TA BANGAREN SHAYARWA !*
*Tambaya*
Assalamu alaikum Dr. Yarinya ce tana da saurayi suna son junansu, amma saida aka zo ga6ar aure shi ne sai mahaifiyar saurayin take cewa ta shayar da mahaifiyar yarinyar nono, Malam yanzu don Allah ya matsayin auran na su zai kasance?
*Amsa*
Wa alaikum assalam, Babu aure a tsakaninsu, saboda ta zama 'yar 'yar'uwarsa ta bangaren shayarwa, 'yar 'yar'uwa kuma haramun ne a aureta kamar yadda Allah Ya yi bayani a aya ta (23) a Suratun Nisa'i.
Annabi (SAW) Yana cewa "Duk abin da yake haramta ta bangaren Nasaba, to yana haramta a bangaren shayarwa" kamar yadda ya zo a hadisin Bukhari da Muslim.
Ya wajaba iyaye sun dinga taka-tsantsan idan an shayar da yaransu, ko su rubuta su ajiye saboda ko da an yi auren dole a warware shi, kamar yadda ya faru da Ummu Yahya da Ukbah bn Harith a zamanin Manzon Allah (SAW) a hadisin da Bukhari da Muslim suka cimma daidaito wajan fitar da shi.
Allah ne mafi sani
*Amsawa*
*DR. JAMILU YUSUF ZAREWA*
27/03/2020
Daga
*MIFTAHUL ILMI*
```Ga masu sha'awar Shiga Zauren MIFTAHUL ILMI WhatsApp sai a aiko da cikakken suna ta WhatsApp zuwa ga lambar Mu 07036073248```