MAMATA BATA KULA DA ADDINI KUMA GA YAWAN CIN BASHI
:
*TAMBAYA*❓
:
Assalamu Ailaikum warahmatullah
Malam ina da tambaya..
Ina cikin tashin hankali mamana bata kula da addini Sam..
1..bata rama Azumi na ramadan idan Tasha Azumi haka har wani Azumi zaizo bata rama bah yanzu haka lissafi nake A yanzu haka yakayi 50 Wanda Ake binta
2.. ya sheikh.. tana wasa da sallah sosai idan tayi asuba da wuya tayi sauran..
3 malam..ana binta bashi kusan 1 mil yanzu haka Wanda take kan ramawa..duk da yawan bashin ake binta baya hana ta dauka wani bashin
4 na karshe malam nayi duk wani hanya dan naga ta daina amma yagagara Akan wannan halin nata na zauna da mahaifina Akanta munyi magana Shima yace min yayi yaga ta chanza Amma ina yakasa
Malam ina bukatan shawaran ataimakamin nagode Allah yakara hazaka da illimi Ameeen yarabbi🙏🙏 Allah yabada ikon Amsawa Ameeen✨
:
*AMSA*👇
:
Allah kenan. Idan ya so sai ya jarrabi Mutum da Yayansa, wani kuma da matarsa, wani kuma da Mahaifiyar sa, wani kuma da Dansa.
Wanda duk Wadannan Sune Babbar Jarrabawa da Allah yake yiwa bawansa. Sabida babu yadda zaiyi da Al'amarin.
Yaya zaka yi da Mahaifiyar ka?
Yaya zakayi da Danka?
Yaya zaka yi da Matarka idan kuna da Manyan yara Irinka.?
Sai dai Kawai kai da Mahaifinka. Tinda Kunyi kun kasa. Kuna yimata Addu'a. Domin Allah ya jarrabeku da ita.
Ibada kuma da bata yi, wannan Tsakanin ta ne da Allah. Domin ba zai yiwu ku rama mata Azumin ba, haka Zalika ba zaku rama mata sallolin da bata yi ba. Alhalin tana Raye. Ko ta Mutu. Taki ta yi Azumi da gangan. Babu wani Maganar Ramuwa da wani Zaiyi Mata. Sai dai kawai Kuna Nema mata gafarar Allah.
Bashi Kuma idan ta ci. Kar ku Biya mata. Ku bar ta idan Akayi mata Hukuncin da Shari'a ta Tanadar, sai ta dena. Daman dai Shari'a ta Tanadi Yiwa Mutum Hukunci ne dan ya Kiyaye.
A baya wata Tayi min waya. Cewar sai Mahaifiyar ta, ta yiwa Mijinta waya, Wai ya kawo Mata Kuɗi Kamar dubu ɗari. Wanda ko a irin wannan lokacin da take yimasa waya ya kawo Mata wannan kuɗin, shi kansa ba shi da kuɗin da ya kai dubu biyu. Amma a haka zaici bashinya kawo mata. Tana ta zubar mata da Mutunci a wajen Mijinta, da sauran Al'umma.
Sannan a haka zata ci bashin Mutane na kuɗi da yawa, Kamar dubu ɗari biyar, dunu ɗari Bakwai. Ita da Mijinta suna Biya mata. Gudun kar a wulakanta Mahaifiyar ta.
Amma wannan baisa ta dena ba. Sai Dada cin bashin ma take yi. Idan an Biya wannan sai ta ci wani.
A haka Nace tayi Hakuri, ta bari idan ta ci kayan Mutane. An kulle ta a wajen Hukuma ta dena ci.
Sabida su Kansu ta talautar da diyar ta. Ta talautar da Mijinta.
Kai wallahi Wasu Mutanen ma basu san abinda ya kamata ba.
Sabida haka ku ci gaba da yimata Nasiha. Idan ba zata dena ba. Sai ku Fita harkarta. Hukuncin da ya dace shi za'a yimata.
Allah ya ce a kyautatawa iyaye. Amma kai a yanzu babu yadda zakayi da wannan Mahaifiyar ta ka. Sai dai Kuma Nasiha da Addu'a.
Allah shine Masani.
✍️
ZAUREN FADAKARWA A SUNNAH MAZA MATA 08137783797
Ku kasance damu cikin wannan group domin ilimintarwa, Fadakarwa da Tunatarwa a Sunnah.
KU BIYOMU A TELEGRAM:👇
https://t.me/TambayoyiDaAmsoshi
KU BIYOMU A FACEBOOK👇
Https://www.facebook.com/groups/336629807654177
KU BIYOMU A WHATSAPP👇
https://wa.me/+2348087788208
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚَ